ТАРИХЫ ТЕРЕҢ, ТАҒЫЛЫМДЫ БІЛІМ ОРДАСЫНА – 87 ЖЫЛ

Тәрбие мен білімнің бесігі болып табылатын мектеп-ана қай кезден-ақ жас ұрпақтың бойына ең асыл қасиеттерді қалыптастырып, оның тұлға болып қалыптасуына, білім алып, жан-жақты болып өсуіне күш салып келеді. Еліміздің тұтқа ұстар болашақтарын тәрбиелеп, олардың рухын көтеріп, оң бағыт беріп келе жатқан Келес ауданының Біртілек ауылдық округіне қарасты Ораз ата елді мекенінде орналасқан «№13 Талғат Бигелдинов атындағы жалпы орта білім беретін мектеп» коммуналдық мемлекеттік мекемесі өзіндік терең тарихы, бағыт-бағдары бар, тағылымы мол білім шаңырағы.

Биыл сексеннің сеңгіріне шығып отырған үлкен мектептің өмір жолы да бел-белестен тұрады. Келешекке қарыштап қадам басу үшін өткенге көз салып, құрмет ете білуіміз керек.

Сонымен, тарих беттеріне көз жүгіртсек, білім ошағының жүріп өткен өз даңғыл жолы мен терең де тағылымды тарихы бар екен. Амангелді Иманов атымен аталған ауылымыздың алғашқы совет мектебі Қазақ Өлкелік Атқару Комитетінің төрағасы, мемлекет қайраткері «Ұзақбай Құлымбетовтың есімімен 1936 жылы бастауыш мектеп боп құрылып, Өтегенов Исмайл деген азамат басқарды.

1958 жылы Амангелді Иманов атымен ауыстырылған мектепті мемлекет қайраткері Сұлтанбек Қожановтың немере туысы Әбибулла Райысов басқарды. Білім ошағына 1963 жылы Талғат Бигелдинов атындағы 8 жылдық мектебі, ал 1967 жылдан 10 жылдық орта мектеп статусы берілді

1966 — 1970жылдары білім ошағын Рыскүл Махатова апайымыз басқарса

1970 — 1974 жылдары Разия Ақмолдаева

1974 — 1994 жылдары Бердіхан Одаманов

1994 — 2000 жылдары Серік Отарин

2000 — 2003 жылдары Есенбекова Шекеркүл

2003 — 2006 жылдары Төлендинова Раушан

2006 — 2008 жылдары Апсикова Сауле

2008 — 2022 жылдар Асқарова Айша

Ал, 2022 — 2023 оқу жылынан бермен Жандос Отарин басшылық етуде.

Бұлардың барлығы да еселі еңбек етіп, өнегелі істерімен мектебіміздің тарихында есімдері алтын әріппен жазылғандар.
«Өз ұлын, өз перзентін ескермесе, ел тегі қайдан алсын кемеңгерді» деп Ілияс ақын айтқандай, кешегі өткен ел ағаларының есімдерін жаңғыртып қана қоймай, туған жерге еңбек сіңірген, дарын — даралығымен ел мақтанышына айналған азаматтарды ардақтай білу баршамыздың парызымыз емес пе?!
88 жылдық тарихы бар білім ордасы, осы уақыттың ішінде талай кезеңдерді бастан кешірді, талай түлектерді баулап өсірді. Қаншама шәкірттерін өмір жолына шығарып салды. 88 жылдың жүгі ауыр, сыры да толағай

Ауылымыздан шығып, мектебімізден түлеп ұшқан еліміздің түпкір – түпкірінде әртүрлі салада, тіпті ғылымның қия жолында журген азаматтарымыз да аз емес.pan>